Hugleiðslan að gera sig.

Sæl Blogga mín.

Bíddu!? ......er ekkert komið inna síðuna síðan ég skrifaði þér síðast?  Ég sem er búinn að reyna að hugleiða til þín þessi reiðarinnar býsn af efni.  Væntanlega er skýringin sú að hugleiðsla hefur ekkert með það að gera að setja texta inn á vefsíður með hugarorku. En tveggja vikna hugleiðslunámskeiðið er nú hálfnað og ég hef verið samviskusamur við heimavinnuna.  Mér stóð reyndar ekki á sama þegar okkur var tjáð að best væri að hugleiða snemma á morgnanna.  Ég var bara ekki að sjá B-manninn Árna Birgisson fara að vaknað ennþá fyrr en snemma til þess að setjast á stól og byrja að temja hugann.  Viti menn, þetta hefur bara alls ekki verið nokkurt einasta mál og nú er staðan sú að ég er hættur að kvíða fyrir morgninum, miklu fremur um að ræða tilhlökkun.  Hversu undarlegt er nú það.  Að hlakka til að vakna hálftíma fyrr en venjulega.  Sem sagt eitthvað er þetta greinilega að gera fyrir mig og mæli ég með þessu við hvern sem er.   Ég hef reyndar ákveðið að gefa ekki of hástemmdar yfirlýsingar í upphafi.  Hef nefnilega runnið á rassinn með slíkt áður.  Saman ber það þegar ég ákvað fyrir 2 árum að hlaupa maraþon.  Bæði var ég ánægður með þá fyrirætlan, en ákvað að búa til smá auka pressu á mig og sagði því öllum sem heyra vildu að ég ætlað að hlaupa maraþon í ágúst.  Svo kom náttúrulega eitthvað óvænt upp á.  Æfingarnar urðu minni en til stóð og ekkert varð hlaupið.  Þá gerðist það sem ekki átti að gerast.  Vinir og kunningjar fóru að spyrja mig hvernig hefði gengið í maraþoninu og á hvaða tíma ég hefði hlaupið.  Ótrúlegt hvað fólk getur verið hnýsið í líf annarra.

Með andans kveðju; Árni

Athugasemdir

[Guðm. Fylkis (IP-tala skráð) 7.10.2007 kl. 16:53]

Þetta með að vakna er ekki svo erfitt, Fáðu þér bara klukku sem heitir, Gumma klukka, hún er nefnilega 2 tímum á undan þinni klukku. Þá verður þetta enn auðveldara......  Viltu að ég sendi þér slíka?  Kveðja frá Sarajevo, þar sem klukkan er enn tveimru tímum á undan þinni klukku

[Herdís Sigurjónsdóttir, 7.10.2007 kl. 22:55]

Góður Gummi ég hef notað slíka klukku undanfarið og dugar ekki til, enn vantar mig nokkra tíma í sólarhringinn. 

Hugleiðsla já, ég gæti vel trúað því að slíkt sé gagnlegt í express lífi nútímaíslendingsins. Ég hef notað slökun og slakaði mér í gegn um þrjár fæðingar eða svo og bara fór... merkileg upplifun, en veit ekki hvort það er eitthvað í áttina að hugleiðslu. En ég hef líka prófað jóga og átti erfitt með að tæma hugann fyrst, er alltaf á 30 þúsund snúningum, en það gekk á endanum og þegar maður var búinn klukkan 1700 var maður endurnærður og líkt og maður hefði verið að vakna.

[Víðir (IP-tala skráð) 8.10.2007 kl. 16:41]

Gangi þér betur með hugleiðsluna er maraþonið. Vildi þó vekja athygli þína á grein í mogganum í dag á bls:23.

Sé ekki annað en að þú verðir að hætta öðru, hugleiðslu eða skotveiði.

[Rögnvaldur (IP-tala skráð) 10.10.2007 kl. 17:39]

Ég veit ekki hvernig þetta hugleiðsludæmi á að geta gengið til lengdar . . . það er ekkert hægt að keppa í því ;) 

[Álfhóll, 21.10.2007 kl. 17:42]

Elsku Árninn minn, já það er þetta með fyrirheit um þonið eða að stefna á Hnjúkinn.  Ég hefði  sko farið ef  leiðsögumaðurinn minn hefði ekki verið sendur til  útlanda að bjarga fólki. .....Líst betur  á hugleiðsluna, en ennþá betur á bara fallega  drauma svona í morgunsárið.

Bestu kveðjur frá Álfhóli

Gunna